Dilla University

Articles

ዩኒቨርሲቲው ለአይነ ስውራን ተማሪዎች የተስማሚ ቴክኖሎጂ ስልጠና ሰጠ

22089810 1626760974048061 5027701672124775565 n

ዲዩ፣ መስከረም፣18 2010 . (..ግንኙነት)- ዲላ ዩኒቨርሲቲ የልዩ ፍላጎት ማዕከል ከማህበረሰብ አገልግሎትና አጋርነት ዳይሬክቶሬት ጋር በመተማበር በክረምቱ መርዓ ግብል በተለያዩ ትምህርት ክፍሎች ትምህርታቸውን ሲከታተሉ ለቆዩ 27 አይነ ስውራን የተስማሚ ቴክኖሎጂ ወይም መሰረታዊ የኮምፒውተር ስልጠና ሰጠ።

ከመስከረም 3-18 ቀን 2009 . ለተከታታይ 15 ቀናት፣ በቀን ለስምንት (8) ሰዓት በድምሩ 128 ሰዓታት ስልጠናውን ሲወስዱ የቆዩት እነዚህ ተማሪዎች መደበኛ ስራቸው መምህርነት መሆኑንና በክረምቱ መርዓ ግብር ትምህርታቸውን በዩኒቨርሲቲው ሲከታተሉ የቆዩ መሆናቸውን የገለጹልን የዩኒቨርሲቲው የልዩ ፍላጎት ማዕከል ዳይሬክተር የሆኑት አቶ አባቡ ተሾመ ሰልጣኞች ከጥገኝነት ተላቀው በስራቸው በኮምፒውተር እንዲገለገሉ እንደሚያስችላቸው ተናግረዋል።

የመምህርነት ስራቸውን ሲሰሩ፣ ያለማንም እገዛ ኮምፒውተራቸውን ከፍተው የተማሪዎቻቸውን መረጃ መያዝ፣ ፈተና ማዘጋጀትና፣ ለተማሪዎች የሚነበብ ወረቀቶችን ለማዘጋጀት እና መረጃን ለማሰባሰብ የሚጠቅማቸው ከመሆኑም ባሻግር ስልጠናው የትምህርት ጥራትን ለማስጠበቅ ከፍተኛ አስተዋፆ እንደሚያበረክት አቶ አባቡ ጨምረው ተናግረዋል።

ከሰልጣኞቹ መካከል የታሪክና ቅርስ አስተዳደር ትምህርት ክፍል፣ የድህረ-ምረቃ ተማሪ የሆነው ተሾመ ዶራ ስልጠናው ከዚህ በፊት በንደፈ-ሃሳብ ብቻ የሚያውቁትን ኮምፒውተር በተግባር እንዳስተዋወቃቸውና ዩኒቨርሲቲው ከአዲስ አበባ ዩኒቨርሲቲ ቀጥሎ ለአይነ ስውር መምህራን ከፍተኛ እገዛ ከሚያደረጉ ክፍተኛ ትምህርት ተቋማት መካከል ግንባር ቀደሙ እንደሚያሰርገው ተናግሯል።

ሌላኛው የስልጠና ተካፋይ የሆነው ተማሪ ተሊሶ ጠልቶ፣ ሰልጣኞች በዚህ ዘመን ሙሉ ሰው ለመሆን የሚያስችል እውቀትን ማግታቸውንና ዩኒቨርሲቲው የህዝብ አጋርነቱን የሚያሳይ ተግባር ማድረጉን የተናገረ ሲሆን ስልጠና ቀጣይነት ሊኖረው ይገባል ብሏል።

የዩኒቨርሲቲው የምርምርና ቴክኖሎጂ ሽግግር ምክትል ፕሬዚዳንት / ፍሬህይወት እንዳለ አይነ ስውራን ተማሪዎች በቀጣይ ወደ ዩኒቨርሲቲው ሲመጡ ተስማሚ ቴክኖሎጂን የሚማሩበት ኮምፒውተር ማዕከል እንደሚዘጋጅና ካለው ፍላጎት አኳያም ተመሳሳይ ስልጠናዎችን ለመስጠት ዩኒቨርሲቲው እንደሚሰራ ተናግረዋል። ምክትል ፕሬዚዳንቷ ስልጠናው ስኬታማ እንዲሆን ያገዙ መምህራን፣ አስተባባሪዎችና የልዩ ፍላጎት ማዕከል ዳይሬክቶሬትን አመስግነዋል።

በመጨረሻም በስልጠናው ለተሳተፉ ሰልጣኞችና የስልጠናው አስተባባሪዎች የተዘጋጀላቸውን የምስክር ወረቀት ከምርምርና ቴክኖሎጂ ሽግግር ምክትል ፕሬዚዳንት / ፍሬህይወት እንዳለ እጅ ተቀብለዋል።