Dilla University

Articles

ኢንጂነሪንግ ኮሌጅ የአርኪቴክቸር ዲፓርትመንት ተማሪዎችና መምህራን የፈጠራ ስራቸዉን ኤግዚብሽን አቀረቡ

lk

በአማኑኤል ብርሃኑ

ለሀገር ዕድገት በፈጠራ ላይ የታገዘ ትምህርት ወሳኝ እንደሆነ የገለፁት የዩኒቨርሲቲ አካ/ምርምርና ምክትል ፕሬዝዳንት ዶ/ር አብዮት ለገሰ በኢንጅነሪንግ ኮሌጅ አርኪቴክቸር ዲፓርትመንት ተማሪዎች መምህራን ያቀረቡት ኤግዚብሽን መደሰታቸዉን ገልፀዋል፡፡ የትምህርት ክፍሉ ምንም ግብዓት ባልተሟላበት ይህንን የፈጠራ ስራ ነገ ተማሪዉ ተመርቆ ሲወጣ ለሚያጋጥመዉ የስራ ዕድል ትልቅ ጠቀሜታዉ እንዳለ ከተናገሩ በኃላ የተሰሩ ስራዎች የሚበረታቱ እንደሆኑና በሌሎች ዲፓርትመንቶች መለመድ እንዳለባቸዉ አብራርተዋል፡፡

ኢንጂነሪንግና ቴክኖሎጂ ኮሌጅ የአርኪቴክቸርና ኮተም ትምህርት ክፍል ሀላፊ የሆኑት አቶ አማኑኤል ዓለሙ በበኩላቸዉ የኤግዚብሽን መዘጋጀት ትልቁ ዓላማ ተማሪዎች የሚማሩትን ትምህርት በተጨማሪ በመማር ማስትረማር ሂደት በተግባር ለሚያሳዩበት ትልቅ መድረክ በመሆኑ በራስ የመተማመን አቅም እንደሚያጎልብት በመግለፅ በቀጣይ ከዚህ በተሻለ መስራት እንደሚችልና ሁሉም ባለ ድርሻ አካላት በያሉበት በትምህርት ዘርፍ በተግባር እንዲደገፍ የመፍቴ አካል እንዲያደርጋቸዉ ጠይቀዋል ለኤግዚብሽኑ መሳካት ሌትተቀን ደከመን ሰለቸን ሳይሉ ያገለገሉትን ተማሪዎችና መምህራን በትምህርት ክፍሉና በራሳቸዉ ስም አመስግነዋል፡፡

የአርኪቴክቸር ዲፓርትመንት ረዳት መምህር በረከት ወ/ብርሃን ስራዎቹ ሲሰሩ የግብዓት እጥረት እንዳጋጠማቸዉ በመናገር ችግሮች ባያጋጥማቸዉ ይበልጥ በተሻለ ሁኔታ በተለየ መልኩ መስራት ይቻል እንደነበር ገልፀዋል፡፡ በተጨማሪም ለቀጣዩ ዓመት ከዚህ በበለጠ ኤግዚብሽኑን ለማዘጋጀት የበላይ አመራሩና የሚመለከታአቸዉ ሁሉ ከክትትል አንስተዉ አስከ ግብዓት በሟሟላት የድርሻቸዉን እንዲወጡ ከጎናቻዉ እንዲቆሙ ጠይቀዋል፡፡

የኤግዚብሽኑ ተሳታፊዎች ኤግዚብሽኑ በተለየ መልኩ መዘጋጀቱና የዚህ ዓይነቱ የፈጠራ ስራዎች የማሳየት ልምድ መለመድ ያለበት መሆኑን ገልፀዉ ለፈጠራ ስራ ኤግዚብሽኑ ሁሉንም እንደሚነሳሳ ተሳታፊዎቹ ተናግረዋል፡፡

kl1